नाइजेरियामा कोरोनाबाट भन्दा धेरै नागरिक सुरक्षा फौजबाट मारिए !
नाइजर: नाइजेरियामा कोभिडका कारणले भन्दा सुरक्षा फौजले गर्दा धेरै मानिस मारिएको यहाँका स्थानीय अधिकार समूहहरुले जनाएका छन् ।
मानवअधिकार आयोगका अनुसार हत्याको प्रमाण स्थानीयहरुबाट आएको हो । नाइजेरियामा लकडाउनको अवधिभर मार्च ३० देखि कानूनको पालना गराउनेहरुबाटै १८ जना मारिएका छन् । जवकि कोभिड १९ का कारण १२ जनाको मृत्यु भयो ।
२ करोड जनसंख्या जति जनसंख्या भएको नाइजेरियामा कोभिडका बिरामीको संख्या ४०७ छ । जुन देशका भीडभाड हुने क्षेत्रमा ह्वात्तै बढ्ने खतरा देखाइएको छ।
नाइजेरियाको सुरक्षा फौज क्रूरताको प्रतिकको रुपमा समेत चिनिन्छ । विदेश सम्बन्ध परिषदका अनुसार गत वर्ष नाइजेरियामा राज्यका अधिकारीहरुबाटै १४७६ जना मारिएका थिए ।
लकडाउनको अवधिमा राष्ट्रिय मानवअधिकार आयोगको एक रिपोर्टका अनुसार ८ वटा अलग अलग विवादास्पद हत्याका घटना भएका थिए । जहाँ १८ जना मारिएका थिए ।
नाइजेरियाका तीन राज्य लागोस, ओगुन र अबुजामा दुई हप्ताको लकडाउन लम्ब्याइएको छ । देशका ३६ राज्यमध्ये २४ राज्यमा १ सय भन्दा बढी मुद्दा परेका छन् ।
तर यहाँको सुरक्षा फौजले मानवअधिकार आयोगको रिपोर्टबारे कुनै प्रतिक्रिया दिएको छैन । तर यसै महिनाको सुरुमा नाइजेरिया प्रहरीले नागरिकहरुलाई नियम उल्लंघन गर्ने प्रहरी अधिकृत विरद्ध उजुरी दिन आग्रह गरेको थियो ।
यसैबीच नाइजेरियाका राष्ट्रपति मुहम्मदु बुहारीले सार्वजनिक रुपमै आम नागरिकहरुलाई धम्की समेत दिएका थिए । उनको विवादास्पद अभिव्यक्तिका कारण ट्वीटरले उनको ट्वीट समेत ब्लक गरिदिएको थियो ।