जनकपुरधाम : गत जेठ १६ गते भएको सामूहिक बलात्कारका घटनाका आरोपीलाई अदालतले कारागार चलान गरेको छ । जिल्ला अदालत धनुषाको ईजलाश नं. २ का न्यायधिश धु्रव प्रसाद वाँस्कोटाको एकल इजलाशले धनुषाको धनुषाधाम नगरपालिका २ काशीपुरका २८ वर्षीय श्याम साहलाई पूर्पक्षका लागि सुनसरीस्थित झुमका कारगा चलान गरेको छ ।
अन्दाजी २५ वर्षीया महिलालाई डाँका हाली सरसामान लुटेर बलत्कार गरेको आरोपमा इलाका प्रहरी कार्यालय धनुषाधामले गत जेष्ठ १७ गते पक्राउ गरेको थियो । प्रहरीले अरोपितलाई अदालतमा पेश गरेकोमा अदालतले जरबजस्ती करणी र डाँका मुद्दाको थुनछेक बहसबाट थुनामा पठाउने आदेश गरेको जिल्ला प्रहरी कार्यालय धनुषाका प्रहरी उपरीक्षकले जनाएका छन् । इलाका प्रहरी कार्यालय धनुषाधाममा पीडितले दिएको उजूरीका आधारमा जिल्ला प्रहरी कार्यालय धनुषाले मुद्दा दर्ता गरी कारवाही अगाडी बढाएको थियो ।
धनुषाधाम नगरपालिकास्थित घरमा सुतिरहेको अवस्थामा ०७८ जेष्ठ १६ गते राति आरोपितले सामूहिक बलात्कार गरेको थियो । पीडितका अनुसार चिनजानका आरोपितले घरको ढोका फोडेर घिसार्दै, लच्छारपछार गर्दै घर नजिकैको बारीमा लगेर बलात्कार गरेको थिए ।
अरोपितले पीडितलाई नियन्त्रणमा लिइ डर, धाक, धम्की देखाइ अनुचित प्रभावमा पारी मुख थुनी, भाग्न उम्कन, रुन कराउन नदिइ बलात्कार गरेको र कसैलाई भने ज्यान मार्ने डर, धाक दिएको उजूरीमा उल्लेख छ ।
प्रतिक्रिया दिनुहोस !
