बंगलादेशको जुस फ्याक्ट्रीमा आगलागी हुँदा ५२ को मृत्यु, २० घाइते
ढाका: बंगलादेशको राजधानी ढाकाको नारायनगन्जस्थित जुस फ्याक्ट्रीमा आगलागी हुँदा कम्तिमा ५२ जनाको मृत्यु भएको छ ।
६ तले भवनमा लागेको भीषण आगलागी शुक्रबार अवेरसम्म निभेको छैन । जुन बिहीबारदेखि नै सुरु भएको थियो । आगलागीबाट २० जना घाइते भएका छन् । मृत्यु हुनेमध्ये
अग्लो भवनमा भीषण आगलागी भएकाले निभाउन नसकिएको बताइएको छ । यद्यपि अग्नि नियन्त्रक तथा उद्वारकर्मीहरु अवेरसम्म खटिरहेका छन् ।
भवनको भुइँतलादेखि नै आगलागी सुरु भएपछि फ्याक्ट्रीमा काम गर्ने कामदारहरु माथिका तलाबाट ज्यान जोगाउन हामफालेका समेत थिए । यसरी हामफाल्ने क्रममा तीनजनाको मृत्यु भएको छ । प्रहरीका अनुसार आगलागी कसरी सुरु भयो भन्ने यकिन भइसकेको छैन । यसबारे छानविन गरिने बताइएको छ ।
बंगलादेशमा हरेक वर्ष भवनको कमजोर सुरक्षा र अग्नि नियन्त्रण संरचनाका कारण यस्तै प्रकृतिका दर्जनौँ आगलागीका घटना हुने गर्छन् । यसपटकको आगलागीको घटनालाई २०१६ देखिकै सबैभन्दा ठूलो घटनाको रुपमा लिइएको छ ।