रौतहट : गएराति ट्याक्टर पल्टिदा दुई जनाको मृत्यु भएको छ। मृत्यु हुनेमा देवाहीगोनाही नगरपालिका- ४ नदीपारीटोलका कबिन्द्र पटेल र पोखरियाटोलका गोविन्दा पटेल रहेको ईलाका प्रहरी कार्यालय देवाही गोनाहिका प्रहरी निरीक्षक राजन लम्सालले जानकारी दिए। दुर्घटनामा दुईजना घाइते भएका छन्।
राति करिब १२ बजेको समयमा देवाहीगोनाही नगरपालिका-४ नजिक रहेको लालबकैयां नदीको बाँधको बाटो भएर खेत जोत्न जाने क्रममा ना ४ त १५०७ नम्वरको ट्याक्टर पल्टिँदा च्यापिएर उनीहरुको मृत्यु भएको प्रहरीले जनाएको छ।
दुर्घटनामा घाइते हुनेमा देवाहीगोनाही-४ नदिपारी बस्ने राकेश पटेल र कन्थ पटेल रहेका छन्। घटनाको थप अनुसन्धान भइरहेको ईलाका प्रहरी कार्यालय देवाही गोनाहिले जनाएको छ।
प्रतिक्रिया दिनुहोस !
