काठमाडौं : नारी साहित्यकारहरूको संस्था गुञ्जनले यो वर्ष प्रदान गरिने पुरस्कार तथा सम्मानको निर्णय सार्वजनिक गरेको छ। संस्थाका अध्यक्ष हिरण्यकुमारी पाठकका अनुसार १५ हजार राशीको ‘गुञ्जन प्रतिभा पुरस्कार’ (२०७७/२०७८) आख्यानकार अनुपम रोशी, साहित्यकार रोचक घिमिरेलाई रू.१५ हजार राशीको ‘गुञ्जन साहित्य पुरस्कार’ (२०७८) प्रदान गरिने छ।
‘गुञ्जन बहुभाषी स्रष्टा सम्मान’ (२०७७/२०७८) केवरत भाषाकी स्रष्टा हेमन्ती केवरत लाई रू. १० हजारसहित प्रदान गर्ने निर्णय गरेको छ। यसरी नै ‘गुञ्जन जेष्ठ नागरिक सम्मान’ (२०७८) गुञ्जनका आजीवन सदस्य तथा पूर्व अध्यक्ष वरिष्ठ आख्यानकार श्री गीता केशरीलाई रू. ५ हजार राशीसहित प्रदान गर्ने भएको छ। यी सबै पुरस्कार तथा सम्मान गुञ्जनले यही साउन २९ गते सम्पन्न गरिने बार्षिकोत्सव समारोहमा समर्पण गर्ने निर्णय गरेको छ।
प्रतिक्रिया दिनुहोस !
५
