बेंसीसहर : अविरल वर्षाका कारण पहिरो जाँदा डुम्रे-बेसीसहर सडकखण्ड लमजुङको उदीपुरमा सडक अवरुद्ध भएको छ । बेसीसहर नगरपालिका–१ उदिपुरको देउरालीडाँडामा सडक पहिरोले बगाएपछि अवरुद्ध भएको हो ।
पहिरोले सडक बगाएपछि सवारीसाधन आवतजावत बन्द भएकोछ । सदरमुकाम बेसीसहर जोड्ने एकमात्र सडक अबरुद्ध भएपछि सर्वसाधरण समस्यामा परेका छन् । डुम्रे–बेसीसहर–चामे सडक योजनाका प्रमुख डिभिजन इन्जिनियर अमितकुमार श्रेष्ठले नयाँ ट्रयाक खोलेर शुक्रबार साँझसम्म अवरुद्ध सडक खुलाउने बताए ।
प्रमुख जिल्ला अधिकारी होमप्रसाद लुइँटेल, प्रहरी प्रमुख डिएसपी कृष्णबहादुर कार्की लगायतको टोलीले पहिरो गएको क्षेत्रको अवलोकन गरी सडक खुलाउन पहल गरेका छन् । डिएसपी कार्कीका अनुसार एम्बुलेन्स र मोटरसाइकल बाहेक अन्य सवारीसाधन सञ्चालनमा रोक लगाइएको छ ।
यस्तै निरन्तरको वर्षासँगै गएको पहिरोका कारण बेसीसहर–चामे सडकको ठाउँठाउँमा पहिरो जाँदा सडक अवरुद्ध भएको छ ।
प्रतिक्रिया दिनुहोस !
