जाजरकोट : जाजरकोटमा अवैध भरुवा बन्दुकसहित एक जना पक्राउ परेका छन् । जिल्लाको नलगाड नगरपालिका १० का ५६ बर्षिय मोेहन वि.क. एकनाले भरुवा बन्दुक सहित पक्राउ परेका हुन् । इलाका प्रहरी कार्यालय रग्दाबाट गएको प्रहरीको गस्ती टोलीले वि.क.लाई उनकै घरबाट पक्राउ गरेको हो ।
विषेश सुचनाका आधारमा घर नजिकै बाँदर हेर्ने भनि बनाएको कटेरोमा लुकाई राखेको एकनाले खाली भरुवा बन्दुक र रातो प्लाष्टिकको झोला भित्र फलामको जस्तो देखिने सानो ठुलो १५ टुक्रा फेला पारेको जिल्ला प्रहरी प्रमुख डिएस्पी मधुकुमार थापाले जानकारी दिए ।
जिल्ला प्रशासन कार्यालयबाट म्याद थप गरि अनुसन्धान गरिएको र उनलाई अवैध हातहतियार तथा खरखजना सम्बन्धी मुद्धा चलाईने थापाले बताए । यसअघि नलगाड ८ का वीरबहादुर पुनलाई गत सोमबार अवैध भरुवा बन्दुक सहित प्रहरीले पक्राउ गरेको थियो ।
प्रतिक्रिया दिनुहोस !
