नशालु औषधीसहित एक पक्राउ
![नशालु औषधीसहित एक पक्राउ](https://annapurnapost.prixacdn.net/media/albums/nasalu-auadhisahit-pakraau_20210829103303_AqEqOheilc.jpg)
गुलरिया : बर्दियाको राजापुर नगरपालिका ४ बजारस्थित सञ्चालनमा रहेको विरयानी एण्ड कफी शपबाट प्रहरीले लागुऔषध (नशालु औषधी) सहित एक जनालाई नियन्त्रणमा लिएको छ। सोही निवासी ३१ बर्षका अलिम अन्सारीलाई लागुऔषध कारोवारको आरोपमा नियन्त्रणमा लिईएको हो ।
पसलमा शंका लागि खानतलासी गर्दा विभिन्न नामका प्रतिबन्धित १ हजार २५४ वटा ट्याबलेटहरु फेला परेको जिल्ला प्रहरी कार्यालय बर्दियाका प्रहरी नायव उपरिक्षक हेमबहादुर शाहीले बताए । प्रहरीले पसलबाट नाईट्राभेट ५७० ट्यावलेट, स्पासमो प्रोक्सीभोन आर प्लस २६४ र अल्प्राजोलम नामको ट्यावलेट ४२० वटा फेला परेको जनाएको छ ।
अन्सारीको पसलबाट भीभो कम्पनीको मोवाईल १ थान, विभिन्न दरका नेपाली रुपैया ३ हजार ७७० र भारतीय रुपैया २२० बरामद गरिएको छ । प्रारम्भिक अनुसन्धानबाट अन्सारी लागुऔषधको कारोवारी भएको खुल्न आएकोले थप अनुसन्धान भैरहेको डिएसपी शाहीले जानकारी दिए ।
प्रतिक्रिया दिनुहोस !
![Unity](https://annapurnapost.prixacdn.net/static/assets/images/unity-logo.png)