अमेरिकाको लुजियानामा विनाशकारी आँधी, विद्युत र सञ्चार सेवा अवरुद्ध,एकको मृत्यु
भदौ १४, २०७८ सोमबार १५:५९:०
वासिङटन : अमेरिकाको लुइजिनिया प्रान्तमा आएको विनाशकारी आँधी ‘हुरिकेन आइडा’ का कारण विद्युत् र सञ्चार सेवा अवरुद्ध भएको छ । आँधीका कारण विद्युत् र सञ्चार सेवा अवरुद्ध हुनुका साथै एकजनाको मृत्यु भएको अधिकारीहरुले बताएका छन् ।
स्थानीय सरकारका अनुसार लुइजियाना राज्यको न्यु ओर्लिन्समा स्थानीय समयअनुसार आइतबार रातिदेखि हुरिकेन आइडाले वितण्डा मच्चाइरहेका छ ।
जसका कारण प्रेइरिभिल्लामा घरमाथि रुख ढल्दा एकको मृत्यु भएको हो । लुइजियाना राज्यका अनुसार उक्त आँधीका कारण त्यहाँ एक लाखभन्दा बढी घरहरुमा सञ्चार र विद्युत सेवा अवरुद्ध बनेको छ ।
१६ वर्षअघि हुरिकेन क्याट्रिनाले पुर्याएको क्षतिपछि न्यु ओर्लिन्स सहरमा पहिलो पटक विनाशकारी बाढी आएको हो। विनाशकारी आँधीले कैयौ रुखहरु ढलेको र भवनहरुमा क्षति पुर्याएको बताइएको छ ।
लुइजिनिया राज्यले आँधीबाट प्रभावित र आँधी जोखिमयुक्त क्षेत्रका बासिन्दालाई घरबाहिर ननिस्कन सूचित गरेको छ । आइतबार सूचना जारी गर्दै स्थानीय सरकारले लुइजियाना राज्यमा सन् १८५० यताकै विनाशकारी आँधी आउने चेतावनी दिएको थियो ।
प्रतिक्रिया दिनुहोस !
