बेसीसहर : लमजुङको मस्र्याङ्दी गाउँपालिका-९, सेग्लेमा आगलागी हुँदा दम्पतीको मृत्यु भएको छ । आगलागीमा परि ५६ वर्षीय धर्मराज भण्डारी र उनकी पत्नी ५० वर्षीया पशुपति भण्डारीको मृत्यु भएको हो ।
भण्डारी दम्पती सुतेको धन्सारमा सोमबार राति साढे १ बजेतिर आगलागी भएको हो । उनीहरुको घटनास्थलमै मृत्यु भएको प्रहरीले जनाएको छ ।
स्थानीय तिलक भण्डारीका अनुसार उनीहरुको सन्तान छैन । आगलागी भएको थाहा पाएपछि गाउँलेले निभाउने प्रयास गरेपनि सफल हुन नसकेको उनले बताए । आगलागीबाट धन्सार पूर्णरुपमा क्षतिग्रस्त भएको छ ।
आगलागीको कारण खुल्न सकेको छैन । घटनास्थलमा खुदी प्रहरी चौकीको टोली र जिल्लाबाट इन्सपेक्टर जगदीश रेग्मी नेतृत्वको प्रहरी टोली खटिएको छ ।
प्रतिक्रिया दिनुहोस !
