नयाँ दिल्ली : भारतको सर्वोच्च अदालतको इतिहासमा पहिलो पटक एकैपटक नौ न्यायाधीशले शपथ लिएका छन्। भारतका प्रधानन्यायाधीश एनवी रमनालद्वारा मंगलबार नौ न्यायाधीशलाई एकैपटक सपथ गराएका हुन्।
सपथ लिने न्यायाधीशहरुमा अभय श्रीनिवास ओका, विक्रम नाथ, जितेन्द्रकुमार महेश्वरी, हिमा कोहली, बी.बी नागरत्ना, सीटी रविकुमार, एमएम सुन्दरेश, बेला एम त्रिवेदी र पीएस नरसिम्हा रहेका छन्।
सपथ ग्रहण समारोह सर्वोच्च अदालतको भवनको सभाहलमा भएको थियो। यसअघि भने भारतमा नयाँ न्यायाधीशको पदको सपथ प्रधानन्यायाधीशको अदालत कक्षमा दिलाउने गरिन्थ्यो।
प्रतिक्रिया दिनुहोस !
