जाजरकोट : मोटरसाईकल दुर्घटनामा जाजरकोटमा एक स्वास्थ्यकर्मीको मृत्यु भएको छ । भेरी नगरपालिका-९ झुप्राखोला नजिकैको भीरमा दुर्घटना हुँदा आधारभुत स्वास्थ्य केन्द्र बुरुङ्गेमा कार्यरत सिनियर अहेव गोपाल कार्कीको मृत्यु भएको हो ।
प्रहरीका अनुसार दोस्रो चरणको कोभिड-१९ को भ्याक्सिन लिन अहेव कार्की बुधबार भुर पोखरास्थित स्वास्थ्य चौकीमा पुगेका थिए । भ्याक्सिनसहित मोटरसाईकलमा सवार गरीरहेका कार्की झुप्राखोला नजिकैको भीरमा दुर्घटनामा परी मृत्यु भएको हो । मोटर साइकल बाटोबाट करीव पाँच सय मिटर तल खोलामा खसेको थियो ।
भेरी नगरपालिका-८ निवासी कार्की बुरुङ्गेस्थित स्थानिय आधारभुत स्वास्थ्य सेवा केन्द्रका ईन्चार्ज हुन् । बुरुङ्गेमा बिहीबार दोस्रो चरणको कोभिड-१९ भ्याक्सिन लगाउने कार्यक्रम रहेको थियो । स्वास्थ्यकर्मीको मृत्यु भएपछि खोप कार्यक्रम समेत प्रभावित भएको छ ।
प्रतिक्रिया दिनुहोस !
