नेपालगन्ज: नेपालगन्ज विमानस्थल राँझाबाट चार किलो सुनसहित प्रहरीले दुई जनालाई पक्राउ गरेको छ ।
जिल्ला प्रहरी कार्यालय बाँकेका प्रमुख एसपी श्यामकृष्ण अधिकारीका अनुसार काठमाडौँबाट नेपालगन्ज आएको श्री एयर लाएन्सको फ्लाईट दिउँसो ३ बजे नेपालगन्ज आएका झापाको खादुनावारीका २६ वर्षका अमिर लगुन विश्वकर्मा र मोरङको लेटाङका बुद्धिमान खातीलाई आगमनकक्षमा पक्राउ गरिएको हो ।
उनीहरुबाट प्रहरीले खान तलासी गर्दा विश्वकर्माले लगाएको दुबै जुत्तामा २।२ विस्कुट र बुद्धिमान खातीले लगाएको दुबै जुत्ताको तलुवामा१/१ पिस बिस्कुट गरी ६ थान काँचो सुन ३ किलो ९९४ ग्राम, त्यसैगरी बुद्धिमान खातीले छालाको कालो रंगको झोलामा तिलहरी थान १, वाला थान १, गणेश लकेट ५ थान (तौल २७.४९ ग्राम) गरी जम्मा ४ किलो २१.४९ ग्राम सुन फेला पारेको हो ।
सुनका सम्बन्धमा प्रहरीले अनुसन्धान भइरहेको जनाएको छ । नेपालगन्ज विमानस्थलमा एकैपटकमा यति धेरै सुन पक्राउ गरिएको सम्भवतः यो पहिलो घटना हो ।
प्रतिक्रिया दिनुहोस !
