तालिबानद्वारा नयाँ सरकार घोषणा
काबुल: तालिबानले अफगान सरकारका मन्त्रीहरुको नाम घोषणा गरेको छ ।
सशस्त्र बलद्वारा सत्ता कब्जा गरेको तालिबान शक्तिले मंगलबार नयाँ सरकारका कार्यवाहक मन्त्रीहरुको नाम घोषणा गरेको हो ।
तालिबानले मुल्लाह मोहम्मद हसन अखुन्दको नेतृत्वमा नयाँ सरकार घोषणा गरेको तालिबानका प्रमुख प्रवक्ता जबिहुल्लाह मुजाहिदले पत्रकार सम्मेलनमार्फत् जानकारी दिए।
मुजाहिदका अनुसार अब्दुल घानी बरादर उपनेता हुनेछन् भने सिराजुद्धिन हक्कानी गृहमन्त्री हुनेछन् ।