काठमाडौँ: बंगलादेशविरुद्ध मैत्रीपूर्ण महिला फुटबल खेलमा नेपाली टिमले २-० को अग्रता लिएको छ ।
दशरथ रंगशालामा जारी खेलको पहिलो हाफमै नेपालले २ गोल गर्दै अग्रता कायम गरेको हो । नेपालका लागि खेलको १४ औं मिनेटमा सविता रानाले १ गोल गरिन् भने २३औं मिनेटमा प्रिती राईले १ गोल गरेकी थिइन् ।
नेपाल र बङ्गलादेशको राष्ट्रिय महिला टोली मैत्रीपूर्ण फुटबल दशरथ रङ्गशालामा साँझ ५ बजे सुरु भएको हो । दुबै टोलीले अर्को खेल आगामी आाइतबार खेल्नेछन् ।
नेपाली महिला फुटबल टोलीले यसअघि कतार, कुवेत र मलेसियासित मैत्रीपूर्ण खेल खेलेको थियो । नेपाली टोलीले उज्वेकिस्तानमा आयोजना हुने एएफसी महिला एशियन कप–२०२२ छनोटका तयारीमा रहेका बेला बङ्गलादेशसित मैत्रीपूर्ण फुटबल खेलेको हो । एशियन कप छनोटअन्तर्गत नेपाल समूह एफ मा छ । उक्त समूहमा हङकङ र फिलिपिन्स छन् ।
प्रतिक्रिया दिनुहोस !
