काठमाडौँ: काठमाडौँको दशरथ रंगशालामा नेपाल र बंगलादेशबीच मैत्रीपूर्ण महिला फुटबल खेल गोलरहित बराबरीमा चलिरहेको छ ।
खेलको दोस्रो हाफसम्म पनि कुनै टिमले पनि गोल गर्न सकिरहेका छैनन् । खेलको पहिलो हाफमा भने बंगलादेशले दबाब बनाएको थियो । दोस्रो हाफको अन्त्यतिर आइपुग्दा नेपाली टोली थप आक्रामक देखिएको छ ।
नेपाली टोलीको तर्फबाट अन्जना राना मगर, पुजा राना, गिता राना, अमृता जैसी, हिरा कुमारी भुजेल, सरु लिम्बु, प्रीती राई, रेनुका नगरकोटी, अनिता बस्नेत, रश्मी घिसिङ र विमला चौधरी मैदानमा छन् । यसअघि बिहीबार भएको खेलमा नेपालले बंगलादेशलाई २–१ ले पराजित गरेको थियो । खेलामा प्रिती राईले एक गोल गरेकी थिइन् ।
प्रतिक्रिया दिनुहोस !
