बेइजिङः चिनियाँ राजदूतलाई बेलायतको संसदमा उपस्थित हुन रोक लगाइएको छ । गत मार्चमा चीनले बेलायतका सात संसदलाई प्रवेश गर्न नदिएपछि बेलायतले बदलाको रुपमा चिनियाँ राजदूतलाई संसदमा उपस्थित हुन नदिने भएको हो ।
गत मार्चमा चीनले बेलायतको तल्लो र माथिल्लो सदका गरी सात सांसदलाई प्रवेशमा प्रतिबन्ध लगाएको लगाएको थियो । त्यसको बदलाको रुपमा बेलायतले संसदमा आयोजित चीन सम्बन्धी सर्वदलीय कार्यक्रममा चिनियाँ राजदूतलाई उपस्थित हुन रोक लगाएको हो । कार्यक्रममा पुगेका बेलायतका लागि चिनियाँ राजदूतलाई कार्यक्रमबाटै फिर्ता पठाइएको हो ।
चीनको यस्तो निर्णयप्रति चीनले भने आपत्ति जनाएको छ । बेलायतको संसदले चिनियाँ राजदूतलाई कार्यक्रममा सहभागी हुन नदिनु भनेको बेलायतको संकिर्ण र पाखण्डी मानसिकता भएको भन्दै चिनियाँ अधिकारीले आपत्ति जनाएका हुन् । चिनियाँ दूतावासका प्रवक्ताले भनेका छन्, 'बेलायतको संसदले गरेको यो एक घृणित र कायर काम हो । यसले दुबै देशको हितमा हानी पुर्याउँछ ।’
प्रतिक्रिया दिनुहोस !
