कहिले हराउला रूपरेखा बिगारेर हसाउँने कला
हरेक हँसाईमा न सन्देश पाइने न मिठास चाहिने
गायक बन्न उस्तै सजिलो
न खाँबो चाहिने न चाहिने किलो
सा रे ग म प ध नि कण्ठै फरर
सातै सुर नजानेर के भो रु ध र नि हरर।
सबैलाई भाइरल हुने जाग्या छ रहर
भाइरलको नाममा पिउँदैछन् जहर
संस्कृतिका नाममा लोकगीतहरू घन्किन्छन्
सारंगी र मुर्चुङ्गा हराए, ड्रमसेट रन्किन्छन्।
कस्तो होला लोक तथा दोहोरीले र्याप पाउँदा
भाइरलका लागि अंग्रेजी मिसाउँदै छाडा गीत गाउँदा
गीतमा रोमाञ्च पस्किएको हो कि कला खस्कियो !
गाउँको भाखा लगाएर पाखा गायकी लस्कियो !
हिजोआज किन मिसिँदै छ लोकगीतमा जहर !
या लाग्यो भाइरल हुन स्रष्टामा रहर ?
गीत ट्रेन्डिङमा बस्यो रे भ्युअर टन्नै बढे रे !
कतिले राम्रा कतिले नराम्रा कमेन्ट वालमा लेखे रे !
फेसबुक टिकटक सामाजिक सञ्जाल जताततै छायो रे !
के यही नै हो भाइरलयोग्य कला र गला !
अग्रजहरूले बाटो देखाए संस्कृतलाई सिँगारेर।
इतिहासमा नाम लेखाए आफूलाई निखारेर
हिजोआज पनि प्रतिस्पर्धा त छ तर !
लोक तथा दोहोरी गीतहरूमा संस्कृति बिगारेर।
बेसुराका वाद्यवादन सुमधुर हुँदैनन्
सुर र लय पक्कै होलान् तर मन छुँदैनन्।
भाइरल हुन संस्कृति नबिगारौं
कला र गला निखारौं माटो सिँगारौं।
प्रतिक्रिया दिनुहोस !
