जनकपुरधाम : धनुषाको जनकपुरधाममा पिडारी चोकमा टिपरको ठक्करबाट एक भारतीय नागरिकको मृत्यु भएको छ । जनकपुरधाम ८ स्थित पिडारी चोकमा टिपरको ठक्करबाट मोटरसाइकल चालकको मृत्यु भएको हो । मृत्यु हुनेमा मोटरसाइकल चालक भारतीय नागरिक आनन्द किशोर दास छन् ।
जनकपुरधाम–ढल्केबर तर्फ जान लागेको ना. ७ ख ४७४८ नम्बरको टिपर विपरीत दिशाबाट आउदै गरेको मोटरसाइकललाई ठक्कर दिएको हो । ठक्कर लगत्तै स्थानीयबासिहरुले टिपरमा आगाजनी गरेको थियो । आगजनी पश्चात टिपर जलेर नष्ट भएको जिल्ला प्रहरी कार्यालय धनुषाले जनाएको छ ।
ठक्कर पश्चात् स्थानीयले टिपरमा आगो लगाएपछि पूर्ण रुपमा जलेर नष्ट भएको छ । मृतक दासको प्रादेशिक अस्पताल जनकपुरमा उपचारको क्रममा मृत्यु भएको धनुषाका प्रहरी नायव उपरीक्षक जितेन्द्र कुमार बस्नेतले जानकारी दिए । घटनाबारे थप अनुसन्धान भइरहेको प्रहरीले जनाएको छ ।
प्रतिक्रिया दिनुहोस !
