बुटवल : बुटवलको मोतिपुर औद्योगिक क्षेत्रमा गोली चलेको छ । औद्योगिक करिडोर क्षेत्रमा अतिक्रमण गर्न बसेका स्थानीय र सुरक्षाकर्मीबीच झडप हुँदा करिब ३ दर्जन हवाई फायर भएको एक प्रत्यक्षदर्शीले बताए।
भीड तितरवितर पार्न प्रहरीले गोली चलाउँदा दुईजना घाइते भएका छन् । अस्थायी रुपमा बनाइएका टहराहरु भत्काउन खोज्दा स्थानीय र प्रहरीबीच झडप भएको बताइएको छ। अवस्था अहिले पनि तनावपूर्ण छ । सुरक्षाकर्मीले आइतबार बिहानैदेखि अस्थायी रुपमा बनाइएका घर टहर भत्काउने काम गरेको थियो ।
सो क्षेत्रमा नेपाल प्रहरी तथा सशस्त्र प्रहरी परिचालन गरिएको छ भने जग्गा कब्जा गर्न आएका स्थानीयको पनि बाक्लो उपस्थिति छ।
प्रतिक्रिया दिनुहोस !
