पाँचथर :‘ढुंगाको प्रेम’ नामक कविता संग्रहको लोकापर्ण भएको छ । गिरिराज बाँस्कोटाद्धारा लिखित कविता संग्रहको पाँचथर सदरमुकाम फिदिममा आइतबार साहित्यकार विमल बैधले लोकापर्ण गरे । शिखा बुक्सले प्रकाशन गरेको कृतिमा २७ वटा कविता संलग्न छन् ।
लेखक बाँस्कोटा नेपाल पत्रकार महासंघ पाँचथर शाखाका अध्यक्ष समेत हुन् ।
कृतिमाथि टिप्पणी गर्दै पाँचथर बहुमुखि क्याम्पसका उपप्रमुख लक्ष्मी ढुंगानाले नेपाली साहित्यमा हस्तक्षेप राख्न सक्ने कविता संग्रह रहेको चर्चा गरे । कार्यक्रममा बोल्दै प्रमुख अतिथि वैधले एउटा यायावरले लेखेको कविता संग्रहले हिमाल, पहाड, तराईका विषय छोएको बताए ।
पाँचथरका प्रमुख जिल्ला अधिकारी पुन्यप्रसाद ढकालले पुस्तकले महत्वपूर्ण स्थान हासिल गर्ने अपेक्षा राखे ।कार्यक्रममा साहित्यकार प्रेम ओझा, नरेन्द्रकुमार केरुङ, राजेन्द्र जवेगु, भवानी तावा, शान्ता गौतम, मधु आजित केरुङ, सन्देश सुब्बा लगायतले रचना पाठ गरेका थिए ।
प्रतिक्रिया दिनुहोस !
