अफगानिस्तान : कान्दाहारस्थित एक शिया मस्जिदमा भएको आक्रमणमा परी कम्तीमा १६ जनाको मृत्यु भएको छ । अन्य ३२ जना घाइते भएका छन् । मृतक र घाइतेको संख्या बढन सक्ने अन्तर्राष्ट्रिय संचारमाध्यमहरुले बताएका छन् । कान्दाहार सहरस्थित बिबी फतेमीह मस्जिदमा शुक्रबार विष्फोट भएको हो । बिबी फातिमा मस्जिद शिया उपासकहरुको सबैभन्दा ठूलो मस्जिद हो।
मस्जिदमा शुक्रबारको नमाज पढिरहेका बेला भएको विष्फोटबाट धेरै जनाकोको ज्यान गुमेको हुन सक्ने बीबीसीले जनाएको छ । उक्त आक्रमण कसले गरायो भन्ने बारे केही खुलेको छैन । तर सो आक्रमण आत्माघाती बम विष्फोट भएको हुनसक्ने बीबीसीले जनाएको छ । बीबीसीका अनुशार सो आक्रमण इस्लामिक स्टेट समुहले गराएको हुन सक्ने अनुमान गरिएको छ ।
प्रतिक्रिया दिनुहोस !
