बेलायत : आतंकवादी समुहले बेलायतमा एक सांसदको हत्या गरेको छ । बेलायत प्रहरीले सत्तारुढ कन्जरभेटिभ पार्टीका सांसद सर डेभिड एम्सको हत्या आतंकवादीले गरेको बताएको छ ।
छुरा प्रहारबाट मारिएका सांसद डेभिड बेलायती प्रधानमन्त्री बोरिस जोन्सनको कन्जरभेटिभ पार्टीका सदस्य हुन्। प्रधानमन्त्री जोन्सनले घटनाको भत्सर्ना गरेका छन् । उनले डेभिड इमान्दार र आफु निकटका व्यक्ति भएको बताए ।
बेलायत प्रहरीेले सांसद डेभिडको हत्या प्रकरणमा एक जनालाई पक्राउ गरेको छ । पक्राउ परेका व्यक्ति २५ वर्षीय बेलायती नागरिक हुन् । के उदेश्यले उनले घटना गराएका हुन भन्ने बारे अनुसन्धान सुरु भएको छ । घटनामा अन्य व्यक्तिहरुको संलग्नताबारे प्रहरीले थप अनुसन्धान सुरु गरेको छ । प्रहरीले सांसद डेभिडको हत्या इस्लामिक उग्रवादीले गराएको हुन सक्ने दावी गरेको छ ।
आफ्ना मतदाताहरुसँग छलफल गर्ने क्रममा उनी माथि गएराती छुरा प्रहार भएको थियो । छुरा प्रहारबाट उनको घटनास्थलमै मृत्यु भएको अन्तर्राष्ट्रिय संचारमाध्यमहरुले जनाएका छन ।
प्रतिक्रिया दिनुहोस !
