सिन्धुली : लगातारको वर्षापछि पहिरो खस्दा मध्यपहाडी लोकमार्ग अवरुद्ध भएको छ । सिन्धुलीको गोलन्जोर गाउँपालिका ६ हैबारमा पहिरो खसेपछि दुई दिनदेखिको अवरूद्ध सडक अझै खुल्न सकेको छैन। मध्यपहाडी राजमार्गस्थित खुर्कोट-घुर्मी खण्ड पूर्णरूपमा अवरुद्ध भएको प्रहरीले जनाएको छ। सडक अवरुद्ध हुँदा दुई दिनदेखि सयौं सवारी साधन तथा यात्रुहरू बीच बाटोमै अलपत्र परेका छन् ।
पूर्वी पहाडी जिल्ला ओखलढुङ्गा, खोटाङ, उदयपुर, भोजपुरलगायत स्थानबाट दसैं सकेर राजधानी फर्केका तथा दसैंको अन्तिम दिन आफन्तजनकोमा आशिरवाद थाप्न हिँडेकाहरु बीच बाटोमै अलपत्र परेका हुन् । मङ्गलबार बिहानैदेखि अवरुद्ध सडक खुलाउने प्रयास भएपनि लगातारको वर्षाका कारण सडक खुलाउन नसकिएको गोलन्जोर गाउँपालिका ६ का वडा अध्यक्ष पुरूषोतम श्रेष्ठले बताए ।
प्रतिक्रिया दिनुहोस !
