सिड्नी: पूर्वअष्ट्रेलियन क्रिकेट खेलाडी माइकल स्लेटर पक्राउ परेका छन् । उनी घरेलु हिंसाको आरोपमा सिड्नीस्थित आफ्नै घरबाट पक्राउ परेका हुन् । ५१ वर्षीय क्रिकेट 'कमेन्टेटर' लाई प्रहरीले आफ्नै घरबाट पक्राउ गरेको बुधबार प्रकाशित स्थानीय मिडियामा खबर छ ।
गत हप्ता माइकलले घरेलु हिंसा गरेको न्यु साउथ वेल्स प्रहरीले पुष्टि गरेको छ । उनीमाथि हाल कुनै कारबाही अघि नबडाएको समेत प्रहरीले जनाएको छ । यद्यपि, आरोपित स्लेटरले भने घटनाबारे मुख खोलेका छैनन्। पूर्वब्याट्सम्यानसमेत रहेका स्लेटर सन् १९९३ देखि २००१ सम्ममा अष्ट्रेलियन क्रिकेट टिममा आवद्ध थिए। उनले करिब ७४ वटा टेस्ट म्याच खेलेका थिए।
प्रतिक्रिया दिनुहोस !
