मुम्बई : दक्षिण भारतीय अभिनेत्री सामन्था अक्केनेनी (सामन्था रुथ प्रभु) आफ्नो कामलाई थाँती राखेर बिदा मनाउन उत्तराखण्डको ऋषिकेश पुगेकी छन्। यस दौरान उनले त्यहाँको केही आकर्षक तस्बिर सामाजिक सञ्जालमा सेयर पनि गरेकी छन्। जुन तस्बिरलाई उनका फ्यानहरूले निकै मन पनि पराएका छन्। उनले होटलको स्वीमिङ पुलदेखि, वनजंगल, बाँदर, कुकुरलगायत थुप्रै तस्बिर सामाजिक सञ्जाल स्टाग्राममा सेयर गरेकी छन्।
समान्थाले नागा चैतन्यसँग अघिल्लो महिना मात्रै पारपाचुके गरेकी थिइन्। उनीहरूबीचको असमझदारीका कारण विवाह बन्धनमा बाँधिएको चार वर्षमै समान्था र चैतन्यले बैवाहिक सम्बन्ध टुंग्याएको विश्लेषण गरिए पनि उनीहरूले यस बारेमा अहिलेसम्म स्पष्ट पारेका छैनन्। यी दुई जोडीमध्ये एकले करियरलाई महत्व दिने र अर्को चाहिँ परिवारलाई अगाडि बढाउनु पर्नेमा अडिग भएका कारण दुईबीच सम्बन्धमा दरार आएको बताइएको छ। सामन्थ करियर अगाडि बढाउन चाहन्थिन भने नागा चैतन्य अभिनय छाडेर उनले घरपरिवार हेरोस् भन्ने चाहन्थें।
यसैगरी एकले अर्कोलाई एथेष्ठ समय दिन नसकेपछि सम्बन्धमा चिसोपना आएको बताइएको छ। यी दुई जोडी छुट्टिनुको अर्को महत्वपूर्ण कारण पारिवारिक हस्तक्षेप हुन नपाउनु पनि हो। उनीहरूको सम्बन्धका बारेमा परिवारले जानकारी पाउनुअघि नै उनीहरूले सँगै बस्न नसकिने निर्णयमा पुगिसकेका थिए। यसैगरी दुवै जना अलग अलग बसेका कारण एकअर्काको इच्छा र चाहनाका बारेमा बुझ्न नसकेका कारण पनि उनीहरूको सम्बन्ध थप कमजोर बनेको विश्लेषण गरिएको छ।
सामन्था र नागा चैतन्यले सामाजिक सञ्जालमार्फत आफूहरू औपचारिक रुपमा छुट्टिएको सार्वजनिक गरेका थिए। ‘निकै सोच विचार गरेर नै चैतन्यसँगको सम्बन्ध टुङ्ग्याउने निर्णय गरेको हुँ। १० वर्ष लामो मित्रतापछि हामीले संगै बस्ने निर्णय गरेका थियौं’, सामन्थाले सामाजिक सञ्जालमा लेखेकी थिइन्, ‘हामी बैवाहिक सम्बन्धबाट अलग भएका छौं। तर, हामी असल साथीका रुपमा संधै रहिरहने छौं। अहिलेको मुस्किल समयमा हामीलाई साथ र सहयोग गर्नुहुने सबैप्रति आभारी छौं।’
सामन्था र नागा चैतन्यको विवाह सन् २०१७ को अक्टोबरमा भएको थियो। यी दुईले थुप्रै चलचित्र र विज्ञापनहरूमा सँगै काम गरेका थिए। तेलुगु र तमिल चलचित्र क्षेत्रमा चिनिएकी अभिनेत्री सामन्था पहिलो पटक बलिउड चलचित्र ‘फेमिली मेन २’ मा देखिएकी थिइन्। अभिनेत्री सामन्थाले सन् २०१० बाट अभिनय यात्रा थालेकी हुन्। नागा चैतन्य दक्षिण भारतका सुपरस्टार नागार्जुनका छोरा हुन्। उनले सन् २००९ मा ‘जोस’ चलचित्रबाट रंगीन पर्दामा डेब्यु गरेका थिए।
प्रतिक्रिया दिनुहोस !
