काठमाडौं : विश्वव्यापी रुपमा गरिएको एक नयाँ अध्ययनले श्रीमान र श्रीमतीविबीचको फरकपन देखाएको छ । दम्पतीमध्ये श्रीमतीले अझैपनि श्रीमानजति नकमाउने नयाँ अध्ययनले देखाएको हो ।
दुई दम्पतीबीच सबैभन्दा बढी कसले कमाउने भन्ने विषयमा संसारका विभिन्न ४५ भन्दा बढी मुलुकमा सन् १९७३ देखि सन् २०१६ सम्म एक अध्ययन गरिएको थियो । बैङ्लोरस्थित इन्डियन इन्स्टिच्युट अफ म्यानेजमेन्ट पब्लिक पोलिसीका रिसर्चर प्रोफेसर हेमा स्वामिथन र प्रोफेसर दिपक माल्घनले करिब २० लाख ८५ हजार परिवारका दम्पतीको तथ्यांकमा आधारित अध्ययन गरेका थिए । १८ वर्षदेखि ६५ वर्ष उमेर समुहबिच करिब चार दशक लामो समयसम्म गरिएको सो अध्ययनले श्रीमतीले भन्दा बढी श्रीमानले पैसा कमाउने देखाएको हो ।
कार्यक्षेत्रमा हुने लैङ्गिक असमानता, महिलालाई काममा नपठाउने परम्परा, महिलाहरु घरायसी काममा व्यस्त रहने आदि कारण श्रीमानको तुलनामा श्रीमतीले कम कमाउने समेत अध्यननमा उल्लेख छ ।
सन् २०१८ मा अन्तर्राष्ट्रिय श्रम संगठन (आइएलओ)ले गरेको अध्ययन रिपोर्टअनुसार संसारभर महिलाले काम गर्ने जम्मा समयको ७६.२ प्रतिशत बेतलबी काम गर्छन् । जुन पुरुषहरुको तुलनामा तीन गुणा बढि हो । अझ एसिया र प्रशान्त क्षेत्रमा भने सो दर ८० प्रतिशतले बढि छ । सोहि कारण श्रीमानको तुलनामा श्रीमतीले कम पैसा कमाउँछन् ।
बीबीसीबाट
प्रतिक्रिया दिनुहोस !
