ताइपेई : पाँच अमेरिकी प्रतिनिधि र ताइवानकी राष्ट्रपतिबीच आश्चर्यजनक भेटवार्ता भएको छ । शुक्रबार बिहान राष्ट्रपति साई इङ वेन र पाँच अमेरिकी प्रतिनिधिबीच भेटवार्ता भएको हो । अमेरिकी प्रतिनिधिसभाका पाँच प्रतिनिधि बिहीबार राति ताइवान पुगेका थिए ।
संयुक्त राज्य अमेरिकाले स्वसासित मुलुक ताइवानलाई बलियो बनाउन पुन: समर्थन गर्ने सम्बन्धमा ताइवान पुगेका अमेरिकी प्रतिनिधीहरुले राष्ट्रपति वेनसँग आश्चर्यजनक भेटवार्ता गरेको बताइएको छ। दुई पक्षबीचको भेटबारे विस्तृत जानकारी भने उल्लेख गरिएको छैन ।
अमेरिकी प्रतिनिधिसँग भएको भेटवार्तापछि राष्ट्रपति वेनले ताइवानले अमेरिकासँग निरन्तर सहकार्य गर्ने प्रतिक्रिया दिएको बताइएको छ । दुईपक्षबीच शुक्रबार भएको भेटले ताइवान र चीनबीच थप तनाव सिर्जना गरेको र सो तनाव दशकयताकै उच्च रहेको अधिकारीहरुले अन्र्तराष्ट्रिय मिडियासँग बताएका छन् ।
‘हाम्रो भ्रमणबारे समाचार आउने वित्तिकै चिनियाँ दूतावासले भ्रमण तत्काल रद्द गर्न सन्देश पठाएको रहेछ,' अमेरिकी प्रतिनिधि एलिसा स्लेटकिन र डि मिचलगायतको टोलीले ट्विटरमार्फत जानकारी दिएका छन् ।
चीनले स्वशासित ताइवान टापु आफ्नो भएको दाबी गर्दै आएको छ ।
प्रतिक्रिया दिनुहोस !
