प्रदेश २ : कांग्रेस अधिवेशनको निर्वाचन कार्यतालिका सार्वजनिक
पुष ६, २०७८ मंगलबार १५:३९:०
जनकपुरधाम : प्रदेश २ को नेपाली कांग्रेसको प्रदेश स्तरीय निर्वाचनका लागि निर्वाचन समितिले कार्यतालिका सार्वजनिक गरेको छ। कार्यतालिका अनुसार मंगलबार दिउँसो साढे १ बजे मतदाता नामावली प्रकाशन गरिएको छ भने मनोनयन पत्र दर्ताका लागि आजै दिउँसो साढे १ देखि साढे ४ बजेसम्मको समय निर्धारण गरिएको छ।
त्यस्तै मनोनयन पत्र माथि पर्ने दावी विरोधको समय साढे ४ देखि ५ बजेसम्म, दावी विरोध उपर निर्णय दिने समय साढे ५ देखि ६ बजेसम्म र वर्णानुक्रम अनुसार उमेद्वारहरुको नामावली प्रकाशन गर्ने समय साँझ ७ बजे तोकिएको छ।
दर्ता भएको मनोनयन पत्र फिर्ता लिने समय साँझ ७ देखि ८ बजेसम्मका लागि तोकिएको छ भने अन्तिम नामावली प्रकाशन राति १० बजे गरिने निर्वाचन अधिकृत प्रह्लाद गौतमले जानकारी दिए।
मतदान बुधबार बिहान ८ देखि मध्याह्न ४ बजेसम्म हुनेछ। समय बितिसकेको भएता पनि प्राङ्गणभित्र प्रवेश गरेकलाई मतदानबाट वञ्चित नगरिने निर्वाचन अधिकृत गौतमले बताए।
प्रतिक्रिया दिनुहोस !
