सन्धिखर्क : अर्घाखाँचीको सन्धिखर्क नगरपालिका ९ नौलापानीका हर्निया रोगी श्यामबहादुर नेपालीको उपचारका लागि संकलन भएको आर्थिक सहयोग जुट्ने क्रम जारी । विष्णु भट्टराईको पहलमा संकलित १ लाख ३७ हजार ३ सय र रामलिला सामाजिक विकास केन्द्रले १३ हजार गरी आज १ लाख ५० हजार ३ सय रुपैयाँ नेपालीकै घर नौलापानीमा पुगेर हस्तान्तरण गरिएको हो ।
पेटमा पानी जमेर हिँडडुल गर्न समेत नसक्ने अवस्थामा रहेका नेपालीको उपचारका लागि आर्थिक अभाव भएपछि अर्घाखाँचीको सन्धिखर्क १० धरम्पानी घर भै हाल रोजगारीको सिलसिलामा इजरायलमा रहेका विष्णु भट्टराइको पहलमा संकलित १ लाख ३७ हजार ३ सय रुपैयाँ उनका बुबा गोबिन्द भट्टराइले आज हस्तान्तरण गरेका हुन्।
उपचारका लागि २५ देखि ३० लाख खर्च लाग्ने चिकित्सकले बताएका छन् । इजरायलमा रहेका भट्टराईले अर्घाखाँचीका विभिन्न दिर्घ रोगी तथा घाइते अपांगहरुलाई आर्थिक सहयोग गर्दै आएका छन्।
यस्तै, रामलिला सामाजिक विकास केन्द्र अर्घाखाँचीले १३ हजार रुपैयाँ आर्थिक सहयोग हस्तान्तरण गरेको छ । नेपाली कांग्रेसका नगर सभापति तथा समाजसेवी व्यक्तित्व बाबुराम भुसाल र संस्थाका सचिव नारायण खत्रीले १३ हजार रुपैयाँ बिरामी नेपालीलाई हस्तान्तरण गरेका छन्।
प्रतिक्रिया दिनुहोस !
