प्रदेश २ कांग्रेस अधिवेशन : प्लाष्टिकको 'ड्रम' मा मत खसालिदै
पुष ८, २०७८ बिहीबार ११:२६:०
जनकपुरधाम : नेपाली कांग्रेस प्रदेश २ को अधिवेशनमा मतपेटिकाका रुपमा प्लाष्टिक ड्रमको व्यवस्था गरिएको छ। जनकपुरधाम -४ स्थित गोपाल धर्मशालामा जारी निर्वाचनमा सभापति र पदाधिकारीको मतपेटिका सानो ड्रम र सदस्यहरुको मतपेटिकाका ठूलो ड्रमलाई प्रयोग गरिएको छ।
अधिवेशनका लागि दुई हजार ७५ प्रतिनिधि छन् । मतदाता र उम्मेदवार धेरै भएकपछि मतदानका लागि सदस्य संख्याको आधारमा ठूलो ड्रमको व्यवस्था गरिएको हो । कांग्रेस नेतृत्व चयनका लागि बुधबार १ बजेदेखि मतदानको कार्यक्रम रहेपनि मतपत्र समयमा नछापिदा निर्वाचन लम्बिएको प्रमुख निर्वाचन अधिकृत प्रल्हाद गौत्तमले जानकारी दिए ।
बिहीबार बिहानैदेखि मतदान सुरु हुने भनिएपनि आवश्यक पूर्वाधार तयार नहुँदा बिहान ९ :३६ बजेदेखि मतदान सुरु भएको हो। बेलुका ५ बजेसम्म मतदानको समय निर्धारण गरिएको निर्वाचन अधिकृत गौत्तमले जानकारी दिए ।
प्रतिक्रिया दिनुहोस !
