बझाङ : बझाङमा पानी पर्न शुरु भएसंगै मंगलबार राति देखि हिमपात शुरु भएको छ । वर्षासंगै जिल्लाका उच्च हिमाली क्षेत्रमा भारी हिमपात भएको छ भने बेँसी तिर पानी परिरहेको छ ।
असोज र कार्तिक महिनामा आएको बेमौसमी वर्षाले जिल्लाका धेरै स्थानीय तहहरुले निर्माण गरेका सिचाई कुलाहरु तहन-नहस भएपछि अधिकांस स्थानीयको खेतीयोग्य जमीनहरु गँहु नै छर्न नपाएका किसानका लागि यो वर्षातले ठूलो राहात भएको छ ।
वर्षात र हिमपातले बझाङ जिल्लाका साईपाल, सुर्मा, छबिसपाथीभरा, मष्टा, तल्कोट गाँउपालिका र जयपृथ्वी र बुंगल नगरपालिकाको माथिल्लो भेगमा हिमपात शुरु भएको छ । साईपाल गाउँपालीका धुलीका स्थानीय बसन्तबहादुर बोहराले पाटनतिर बाक्लो हिउँ परेको र गाउँमा समेत हिमपात शुरु भएको बताए ।
वर्षा र हिमपातसंगै जिल्लामा जाडो पनि ह्वातै बढेको छ । हिमाली गाउँपालिकाहरुमा हिउँ जम्न थालेका कारण जनजीवन निकै कष्टकर भएको छ । हिउँ जमेको र जाडो बढ्ँन थालेकाले घरबाहिरको काम गर्न समस्या हुन थालेको सुर्मा गाँउपालिका १ का स्थानीय बसन्ती बोहराले बताईन् ।
प्रतिक्रिया दिनुहोस !
