नयाँ वर्षको अवसरमा फ्रान्समा एकैदिन ८ सयभन्दा बढी कारमा आगजनी
पेरिस : नयाँ वर्षको अवसरमा फ्रान्सभर एकैदिन ८ सयभन्दा बढी कारमा आगजनी गरिएको छ । दशकौं पुरानो प्रचलनअनुसार नयाँ वर्षको अघिल्लो दिन देशभर ८ सयभन्दा बढी कारमा आगजनी गरिएको हो ।
फ्रान्सको आन्तरिक मामला मन्त्री जेराल्ड डर्मानिनकाअनुसार नयाँ वर्षको अघिल्लो दिन अर्थात् न्यु इयर इभमा फ्रान्सभर ८७४ कारहरु जलाइएका हुन् । यद्यपि, अघिल्लो वर्षको तुलनामा यस वर्ष कम संख्यामा कारहरु जलाइएका हुन् ।
फ्रान्समा अवैध, चोरी, गुन्डागर्दी र गलत विमा दाबी गर्दै आएका कारहरुलाई सरकारले नयाँ वर्षको अघिल्लो दिन जलाउँदै आएको छ । दशकौं वर्ष पुरानो सो प्रचलनअनुसार सरकारले यसवर्षमा पनि निरन्तरता दिएको हो।
आन्तरिक मन्त्रालयकाअनुसार सन् २०१९ मा १३ सय १६ कारहरु जलाइएका थिए । यसवर्ष कोभिड १९ का कारण यसवर्ष सो संख्या घटेको बताइएको छ।