धरान : सिम्रिक एयरको हेलिकप्टरले धरानबाट प्रदेश १ का प्रमुख धार्मिक स्थलको दर्शन र पर्यटकिय क्षेत्रको अवलोकन गराउन उडान सुरु गरेको छ । धरान उपमहानगरपालिकाको स्थापना दिवसको अवसरमा धरान होलिडेजको सहकार्यमा सिम्रकले मंगलवारदेखि उडान सुरु गरेको हो ।
सिम्रिकले धरान उपमहानगरपालिकाको स्थापना दिवसलाई प्रर्यटकहरुको सुविधाको लागि हवाई यात्राको सुरुवात गरेको धरान होलिडेज प्रालिका अध्यक्ष कुन्दन श्रेष्ठले बताए । उनले धरान घुम्न आउने आन्तरिक तथा बाह्य पर्यटकहरुलाई खोटाङको हलेसी महादेवको मन्दिर र ताप्लेजुङको पाथिभरा मन्दिरसम्म दर्शनका लागि हेलिकोप्टरको व्यवस्था गरिएको बताए ।
धरान उत्सवको अबसरमा प्रतिव्यक्ति ३२ हजारमा पाथिभरा र हलेसि उडान भर्दै आएको सिम्रिक हेलिकोप्टरले यात्रुहरुलाई विशेष छुट गरि २८ हजार रेट निर्धारण गरिएको बताए । त्यस्तै पाँच मिनेटको धरान बजार परिक्रमा गराईए बापत ३ हजार ५ सय रुपैयाँ हवाइ भाडा निर्धारण गरिएको श्रेष्ठले बताए ।
धरानका मेयर तिलक राईले धरान उत्सवको अवसरमा धरान आउने आन्तरिक तथा बाह्य पर्यटकहरुको सुविधाका लागि उपमहानगरपालिकाको अनुरोधमा सिम्रिक र धरान होलिडेज प्रालिलाई विशेष छुटका साथ पर्यटकहरुलाई हवाई यात्रा गराउने व्यबस्था गरिएको बताए । विशेष छुटमा सिम्रिकले हवाई यात्रा गराउन थालेपछि हेलिकोप्टर चड्ने पर्यटकहरुको भिड लागेको छ ।
प्रतिक्रिया दिनुहोस !
