गुलरिया : बर्दियाको राजापुर नगरपालिका-१० ढुण्डीपुरमा वयस्क भाले हात्ती मृत फेला परेको छ । नेपाल भारत सीमा नजिकै नेपाल तर्फको तोरी बारीमा मृत हात्ती फेला परेको हो ।
बनक्षेत्र अन्र्तगत पर्ने सो स्थानमा करिव ३०–३५ वर्षको वयस्क भाले हात्ती मृत भेटिएको डिभिजनल बन कार्यालय बर्दियाका बन अधिकृत प्रविन विडारीले बताए ।
विहान ११ बजे तोरी बारीमा मृत हात्ती भेटिएको खबर पाउना साथ तत्काल घटना स्थल पुगी बर्दिया राष्ट्रिय निकुञ्जसँग प्राविधिक टीम सहयोग मागेका हौं । राष्ट्रिय प्रकृति संरक्षण कोष बर्दिया संरक्षण कार्यक्रम मार्फत पशु चिकित्सकसहितको प्राविधिक टोलीले मृत हात्तीको पोष्टमार्टमको तयारी गरेको उनले बताए ।
घटनाको प्रारम्भिक अनुसन्धानका क्रममा बयस्क भाले हात्तीको स्वभाविक मृत्यु नभएको प्रारम्भिक अनुमान हाम्रो छ । घटनाको बारेमा सुस्म अनुसन्धान गर्दैछौ । रोग वा अन्य मृत्युका बारेमा थप अनुसन्धान लगायत पोष्टमार्टम रिपोर्ट आएपछि मात्र वास्तविकता पत्ता लाग्ने प्रमुख विडारीको भनाई छ ।
दुई दिन अघि राजापुर नगरपालिका-९ की ५४ वर्षीया भुसिया थारुको बाख्रा चराउन गएका बेला सोही क्षेत्रमा जंगली हात्तीको आक्रमणमा परी मृत्यु भएको थियो ।
नेपाल भारत सीमा स्थित दशगजा क्षेत्रमा गोठाला गएको बेला महिलाको हात्ती आक्रमणमा परी मृत्यु भएको जिल्ला प्रहरी कार्यालय बर्दियाका प्रहरी नायव उपरिक्षक हेमबहादुर शाहीले बताए । राजापुर क्षेत्रमा जंगली हात्ती आक्रमणको त्रास यथावत छ ।
प्रतिक्रिया दिनुहोस !
