ट्रम्पद्धारा निर्धारित पत्रकार सम्मेलन रद्ध
फ्लोरिडा : अमेरिकाका पुर्व राष्ट्रपति डोनाल्ड ट्रम्पले निर्धारित पत्रकार सम्मेलन रद्ध गरेका छन्। ट्रम्पले जनवरी ६ अर्थात् भोलीका लागि तय गरिएको पत्रकार सम्मेलन रद्ध गरेका हुन्।
ट्रम्प स्वयमले जनवरी ६ मा भएको आक्रमणको वार्षिकोत्सवको अवसरमा फ्लोरिडास्थित आयोजना गरेको पत्रकार सम्मेलन कार्यक्रम रद्ध गरेका हुन्। स्थानीय समयअनुसार मंगलबार विज्ञप्ति जारी गर्दै ट्रम्पले सो कार्यक्रम रद्ध गर्ने र यहि महिनाको अन्त्यमा सो कार्यक्रम एरिजोनामा बोलाउने भन्दै रद्ध गरेको बताएका छन्।
गत वर्ष जनवरी ६ मा ट्रम्पका समर्थकहरुले वासिङटन डिसिस्थित क्यापिटोल आक्रमण गरेका थिए। सो आक्रमण हिंसामा परिणत भएको थियो। सो सम्बन्धमा अनुसन्धान जारी रहेको छ। आक्रमणबारे भोली अर्थात् जनवरी ६ मा तय गरिएको पत्रकार सम्मेलनमा ट्रम्पले सत्यतथ्य बोल्ने अपेक्षा गरिएको थियो। तर सोहि कार्यक्रम ट्रम्पले अन्तिम समयमा आएर रद्ध गरेका छन्।