लण्डन : उजाडिएको जमिन हराभरा बनाउने बेलायतका कृषकलाई सरकाले नगद रकम प्रदान गर्नै भएको छ । प्रकृति पुन प्राप्ती (नेचर रिकभरी) योजना कार्यक्रमअन्र्तगत सरकारले किसानलाई सो रकम प्रदान गर्ने भएको हो ।
बेलायत सरकारले हालै करिब १५ वटा पाइलट परियोजना लागू गर्ने घोषणा गरेको छ । सो परियोजना सुरु भएको दुई वर्षमा अर्थात् सन् २०२८ सम्ममा सम्पन्न हुने बेलायत सरकारले जनाएको छ ।
नेचर रिकभरी कार्यक्रमअन्र्तगत किसानहरुले कम्तीमा ५ सय हेक्टरदेखि बढीमा १० हजार हेक्टर जमिनको अवस्था सुधार्नुपर्ने बताइएको छ । सो परियोजनाको वास्तविक लगानी सार्बजनिक नगरिएपनि दुई वर्षको अन्तरालमा करिब ८ सय मिलियन युरो रकम खर्च गरिने बताइएको छ । ल्याण्डस्केप एण्ड नेचर रिकभरी कार्यक्रमअन्र्तगत सरकारले सन् २०४२ सम्ममा ३ लाख हेक्टर जमिन सुधार गर्ने लक्ष्य राखेको छ ।
किसानले उजाडिएको अर्थात् विनाश भएको सार्वजनिक एवम् सरकारी जमिनलाई पुरानै अवस्थामा फर्काउनु पर्नेछ । अर्थात् जलवायु परिवर्तनका कारण उजाडिएको जमिनलाई सुधार्नुपर्ने र राम्रोसँग व्यवस्थापन गर्नुपर्नेछ ।
प्रतिक्रिया दिनुहोस !
