काभ्रे : नेकपा एमाले काभ्रेको अध्यक्षमा अशोक व्याञ्जू श्रेष्ठ सर्वसम्मत चयन भएका छन् । व्याञ्जूसंगै उपसचिवमा रिता ढकाल चयन भएको निर्वाचन समितिले जनाएको छ । नेकपा एमाले पोलिटव्यूरो सदस्य गोकुल बाँस्कोटाले दुई पदमा निर्विरोध भएको बताए ।
एमाले जिल्ला अधिवेशन बन्द सत्र शनिबार बिहान धुलिखेलमा सुरु भएको हो । बिहान ८ बजे देखि बन्द सत्र सुरु भएपनि सहमति हुन सकेको थिएन । बेलुका सम्ममा अध्यक्ष र उपसचिब पदमा मात्र सर्वसम्मत भएको छ ।
बाँकी पद उपाध्यक्ष, सचिव पदमा दाबेदार धेरै देखिएका कारण समहति हुन नसकेको प्रतिनिधिहरु बताउछन् । सहमति हुन नसकेको पदहरुमा निर्वाचनको तयारीमा रहेको निर्वाचन समिति जनाएको छ । बाँकी पदहरुमा भोलि निर्वाचन गरिने निर्वाचन समितिले जनाएको छ ।
प्रतिक्रिया दिनुहोस !
