दोस्रो विश्व युद्धमा सैनिकले आमालाई पठाएको चिठ्ठी ७६ वर्षपछि प्राप्त
पिटसवर्ग : दोस्रो विश्व युद्धको समयमा अमेरिकी सैनिकले पठाएको एक पत्र करिब ७६ वर्षपछि प्राप्त भएको छ । अमेरिकी सैनिकले जर्मनीबाट म्यासाचुसेत्समा रहेकी आफ्नी आमालाई पठाएको पत्र करिब ७६ वर्षपछि प्राप्त भएको हो ।
दोस्रो विश्व युद्ध अन्त्यको क्रममा २२ वर्षीय आर्मी सर्जेन्ट जोन गोन्साल्भ्सले सन् १९४५ डिसेम्बरमा हुलाकमार्फत आफ्नी आमालाई चिठ्ठी पठाएका थिए । सो चिठ्ठी पिटसवर्गस्थित अमेरिकी हुलाक सेवा कार्यालयमा फेला परेको र बुधबार मात्र आर्मीको परिवारले सो पत्र प्राप्त गरेको डब्ल्युएफएक्सटी टीभीमा रिपोर्ट उल्लेख छ ।
सो रिपोर्टअनुसार सो पत्र ७५ वर्षसम्म नखोलिएको बताइएको छ । सो पत्रमार्फत आफू सञ्चै भएको र चाँडै भेट्ने बाचा गरेको बताइएको छ । चिठ्ठी पठाउने आर्मी गोन्स्लेभ्सको भने सन् २०१५ मा निधन भएको बताइएको छ।