नुवाकोट : पृथ्वी जयन्तीको अवसरमा मंगलबार नुवाकोटको विदुरमा विदा दिइएको छ । पृथ्वी जयन्तीका अवसरमा यही पुस २७ गते नुवाकोटको विदुर नगरपालिकाले सार्वजनिक बिदा दिने निर्णय गरेको हो ।
विदुर नगरपालिकाले नगरपालिका मातहतका सवै कार्यालय तथा संरचना एक दिन बन्द रहने जनाएको हो । पृथ्वी नारायण शाहले १८०१ सालमा नुवाकोटवाटै नेपाल एकिकरणको सुरुवात गरेका थिए ।
आधुनिक नेपालका राष्ट्रनिर्माता तत्कालीन राजा पृथ्वीनारायण शाहको योगदानलाई उच्च सम्मान र कदरस्वरुप स्थानीय सरकारको तर्फबाट राष्ट्रिय एकता दिवस र पृथ्वी जयन्तीलाई भव्यता साथ मनाउन सार्वजनिक बिदाको घोषणा गरिएकोे विदुर नगरपालिकाले जारी गरेको विज्ञप्तिमा उल्लेख छ ।
नेपाल एकीकरण थालनी भएको गौरवपूर्ण इतिहासलाई भुल्न नहुने भन्दै नपाभित्र बिदा दिने निर्णय गरिएको विदुर नगरपालिकाका मेयर सञ्जु पण्डितले जानकारी दिए ।
प्रतिक्रिया दिनुहोस !
