हैदराबाद : भारतको हैदराबादमा कोरोना भ्याक्सिन चोरी भएको समाचार बाहिरिएको छ। यहाँको जामबाग युपीएचसीबाट चोरहरूले करिब ६ सय डोज कोभिशिल्ड र कोभ्याक्सिन चोरेका छन् । यति मात्र नभइ चोरहरूले स्टोररुमबाट दुईवटा कम्प्युटर र केही सेनेटरी सामान समेत चोरेका छन्। उनीहरुले अटो रिक्साको टायर पनि चोरेर लगेको बताइएको छ।
अस्पतालका कर्मचारीको उजुरीको आधारमा प्रहरीले मुद्दा दर्ता गरेको हो। प्रहरीले मुद्दा दर्ता गरी अनुसन्धान सुरु गरेको बताइएको छ। यो घटना कालीखबर रोडको हो ।
यो क्षेत्र मीर चोक प्रहरी चौकीअन्तर्गत पर्छ। चोरहरुले स्वास्थ्य संस्थाको ढोका फोडेर भ्याक्सिन चोरेका हुन्। चोरहरुले कोभिसिल्ड २४ र कोभ्याक्सिनको १७ शिशी चोरेका हुन्। चोरिएको भ्याक्सिनमा करिब ६ सय डोज भ्याक्सिन रहेको बताइएको छ।
स्वास्थ्य केन्द्रमा घरदैलो खोप अभियानका लागि खोप राखिएको बताइएको छ ।
प्रतिक्रिया दिनुहोस !
