काठमाडौं : एपीवान टेलिभिजनमा नेपाल आइडलको चौथो संस्करणको प्रशारण जारी रहेको छ। एपीवानमा साताको दुई दिन प्रशारण हुने नेपाल आइडल दर्शकको सबैभन्दा माया पाएको सांगीतिक रियालिटी शो हो।
देशका कुना कन्दरामा लुकेका प्रतिभाहरूलाई स्तरीय सांगीतिक मञ्च प्रदान गर्दै आएको नेपाल आइडलले नेपालभित्र मात्रै नभई विश्वभर छरिएर रहेका नेपाली भाषीको माया पाएको छ।
नेपाल आइडल सिजन–४ मा नयाँ जजहरू थपिएका छन्। वरिष्ठ संगीतकार शम्भुजित बाँस्कोटा, सुगम पोखरेल र सिवानी मोक्तानले जजको भूमिका निर्वाह गरिरहेका छन्।
उद्घोषकमा आसिफ शाह र रेश्मा घिमिरेले साथ दिएका छन्। नेपाल आइडल सिजन–४ अन्तर्गत एपिसोड- १२ मा आइपुग्दा प्रतियोगीले कडा प्रतिस्पर्धा गरिरहेका छन्।
प्रतिक्रिया दिनुहोस !
