स्याङ्जा : नेपाली कांग्रेस स्याङ्जाले भरतप्रसाद लम्साललाई प्रवक्ताको जिम्मेवारी दिएको छ। कांग्रेस सभापति तथा संविधानसभा सदस्य राजु थापाले लम्साललाई मंगलबार प्रवक्ताको जिम्मेवारी दिएको जनाए। जिल्लाको १४ औं महाधिबेशनबाट स्याङ्जाको सभापतिमा निर्वाचित थापाले औपचारिक रुपमा लम्साललाई प्रवक्ता चयन गरेका हुन। नेपाली कांग्रेसको विधान २०१७ को नवौं संशोधनको अधिकार उपयोगगरी सभापति थापाले महाधिबेशन प्रतिनिधि लम्साललाई जिल्ला सदस्यमा मनोनित गरेर प्रबक्ताको जिम्मेवारी दिएको बताइएको छ।
लम्सालले राजनीतिक शास्त्र र अर्थशास्त्रमा एम.ए. उत्र्तीण गरेका छन्। २०३६ सालदेखि विद्यार्थी राजनीतिमा होमिएका लम्साल हाल नेपाल शिक्षक संघको केन्द्रीय उपाध्यक्ष हुन्।
प्रतिक्रिया दिनुहोस !
