भारतमा फेरि बढ्यो कोरोना संक्रमण : एकैदिन ३ लाखभन्दा बढीमा संक्रमण, ४९१ को मृत्यु
माघ ६, २०७८ बिहीबार ११:१०:०
नयाँ दिल्ली : भारतमा एकैदिन तीन लाखभन्दा बढीमा कोरोना संक्रमण देखिएको छ। पछिल्लो २४ घण्टामा ३ लाख १७ हजार ५३२ नयाँ कोरोना संक्रमित थपिएका छन्।
साथै भारतमा बिहीबार कोरोना संक्रमणबाट ४९१ जनाको मृत्यु भएको छ। २ लाख २३ हजार ९९० जना उपचारपछि निको भएका छन्।
हाल भारतमा सक्रिय संक्रमितको संख्या १९ लाख २४ हजार ५१ छ। योसँगै कोरोना पोजिटिभ दर १६.४१% पुगेको छ। हालसम्म भारतमा कुल ९ हजार २८७ जनामा कोरोनाको ओमिक्रोन भेरियन्टबाट संक्रमण पुष्टि भएको छ । पछिल्लो एक दिनको तुलनामा कोरोना संक्रमितको संख्या ३.६ % बढेको हो।
भारतमा बुधबार २ लाख ८२ हजारभन्दा धेरै संक्रमित भएका थिए भने ४४१ जनाको मृत्यु भएको थियो। सोमबार र मंगलबार भने संक्रमण दर कम देखिएको थियो।
प्रतिक्रिया दिनुहोस !
