जनकपुरधाम : धनुषामा एक युवतीको विभत्स हत्या गरिएको अवस्थामा शव फेला परेको छ । जिल्लाको धनुषाधाम नगरपालिका ६ मालटोलस्थित पूर्व-पश्चिम लोकमार्गदेखि २ किलोमिटर दक्षिणतर्फ आँपको बगैचामा अन्दाजी २५ वर्षीया युवतीको शव फेला परेको धनुषा प्रहरीले जनाएको छ ।
बुधबार साँझ टाउको फुटेको र रगतले लतपतिएको अवस्थामा युवतीको शव शव फेला परेको जिल्ला प्रहरी कार्यालय धनुषाका प्रहरी प्रवक्ता प्रहरी नायव उपरीक्षक दिपक रायले जानकारी दिए । युवतीको परिचय भने खुल्न नसकेपनि मधेशी मुलको युवती हुनसक्ने प्रहरी नायव उपरीक्षक रायले आशंका व्यक्त गरेका छन् ।
युवतीले रातो रंगको सुइटर र निलो रंगको कुर्ता सुरुवाल लगाएकी छन् । घटनासम्बन्धमा थप अनुसन्धान भइरहेको जिल्ला प्रहरी कार्यालय धनुषाले जनाएको छ । युवतीको करणी गरी हत्या गरेको हुन सक्ने प्रहरीको प्रारम्भिक अनुसन्धानको आशंका छ।
प्रतिक्रिया दिनुहोस !
