ओखलढुंगामा गुडिरहेको गाडीलाई ढुङ्गाले किच्दा ३ जनाको मृत्यु, ३ घाइते
माघ ९, २०७८ आइतबार १२:४२:०
सोलुखुम्बु : ओखलढुंगामा गुडिरहेको बोलेरो जीपलाई माथिबाट झरेको ढुंगाले किच्दा तिन जनाको ज्यान यात्रुको गएको छ। ज्यान गुमाउनेमा सिद्धिचरण नगरपालिका १ का ७ वर्षीय युनिषा कोइराला,१० वर्षीय इशव कोइराला र मानेभञ्ज्याङ गाउँपालिका १ मोलीका ३० वर्षीय हेमबहादुर मगर रहेको जिल्ला प्रहरी कार्यालय ओखलढुंगाले जनाएको छ।
प्रहरी प्रमुख प्रहरी नायब उपरीक्षक ९डिएसपी० गोबिन्दराज काफ्लेका अनुसार जीपमा सवार देवबहादुर श्रेष्ठ, सञ्जीव श्रेष्ठ, लक्ष्मी कोइराला घाइते भएका छन्। सिद्दिचरण नगरपालिका ३ मा सडक निर्माण गर्दै गरेको डोजरले आइतबार बिहान अन्दाजी ९ बजे माथिबाट लडाएको ढुंगाले सडकमा गुडिरहेको को १ ज ३५६९ नंबरको बोलेरोलाई किचेको प्रहरीले जनाएको छ। दुर्घटनामा अन्य तिन जना घाइते भएका छन्।
घाइते मध्य देवबहादुर श्रेष्ठ र सञ्जीव श्रेष्ठलाइ थप उपचारका लागि हेलिकोप्टर मार्फत काठमाडौ पठाउने तयारी भइरहेको डिएसपी काफ्लेले बताए।
जिल्लाको गहतेबाट सदरमुकामतर्फ आउँदै गरेको बोलेरोलाई नारायणस्थलको सोतीभरिमा डोजरले निकालेको ढुंगा पल्टिएर किच्दा दुर्घटना भएको प्रहरीले जनाएको छ ।
प्रतिक्रिया दिनुहोस !
