घरमा १२५ सर्प जम्मा गर्ने मानिस मृत फेला
मेरिल्याण्डः अमेरिकाको मेरिल्याण्ड राज्यका एक मानिस मृत फेला परेका छन्। करिब १२५ वटा विषालु र कम विषालु सर्प जम्मा गरेका ४९ वर्षीय मानिस मृत फेला परेका हुन्।
प्रहरीले ती व्यक्तिलाई आफ्नै घरमा मृत फेला पारेका हुन्। मृत फेला परेका ४९ वर्षीय ती मानिसले खोजीका लागि अनौठा प्रजातिका सर्पहरु जम्मा गरेर ट्यांकीमा राखेको प्रहरीले जनाएको छ। मृतकको नाम गोप्य राखिएको मेरिल्याण्डस्थित चार्ल्स काउन्टी सरकारले जनाएको छ।
मेरिल्याण्डको रोग नियन्त्रण एवं रोकथाम विभागका अनुसार सो क्षेत्रमा वर्षेनि करिब ८ हजार मानिसहरुलाई विषालु सर्षले टोक्ने गरेको छ। उपचार नपाएमा विषालु सर्पको डसाइबाट कैयौं मानिसको मृत्यु हुने गरेको छ।