विराटनगर: राष्ट्रिय सभा निर्वाचनको प्रदेश १ मा एमालेका उम्मदवार विजयी भएका छन्। अपांगता भएका व्यक्ति वा अल्पसंख्यकतर्फ एमालेका उम्मेदवार सोनाम गेल्जेन शेर्पा विजयी भएका हुन्। उनले जनता समाजवादी पार्टीका हेमराज राईलाई पराजित गरेका हुन्।
त्यस्तै प्रदेश १ कै महिलातर्फ नेकपा एकीकृत समाजवादी पार्टीकी जयन्ती देवी राई विजयी भएकी छन्। उनले एमालेकी सुमित्रा सुवेदी भण्डारी र राप्रपाकी रञ्जु प्याकुरेललाई पराजित गरेकी थिइन्। अन्यतर्फको मतपरिणाम भने आउन बाँकी छ। अन्यतर्फ कांग्रेसका गोपालकुमार बस्नेत, एमालेका गुरुप्रसाद बराल र राप्रपाका अमरबहादुर विष्टले उम्मेदवारी दिएका छन्।
प्रतिक्रिया दिनुहोस !
