धनगढी : राष्ट्रिय सभाको निर्वाचनमा सुदूरपश्चिमबाट काँग्रेसका नारायण दत्त मिश्र, नेकपा एकिकृत समाजवादीकी मदन कुमारी शाह(गरिमा) र नेकपा माओवादी केन्द्रका जगत पार्की विजयी भएका छन्।
अन्यबाट नेपाली काँग्रेसका नेता नारायणदत्त मीश्र विजयी भएका हुन्। उनले प्रदेश सभातर्फ ३९ मत अथवा १८७२ मतभार र स्थानीय तर्फ १०४ मत अथवा १८७२ मतभारका साथ राष्ट्रिय सभामा जितेका हुन्। उनका प्रतिद्वन्दी नेकपा एमालेका डिल्लीराज भट्टले प्रदेश सभा तर्फ १३ मत अथवा ६२४ मतभार र स्थानीय तहतर्फ ७१ मत अथवा १२७६ मतभार प्राप्त गरे।
यस्तै महिलातर्फ नेकपा एकीकृत समाजवादीकी मदनकुमारी शाह(गरिमा) विजयी भएकी छिन्। उनी सत्ता गठबन्धनबाट महिलातर्फकी उम्मेदवार थिइन्। शाह प्रदेशसभातर्फ १८७२ मतभार र स्थानीय तहतर्फ १९६२ मतभार पाएर निर्वाचित भएकी हुन्। उनकी निकटतम प्रतिद्वन्द्वी एमाले उम्मेदवार छाया कुमारी थापा (सन्तोष)ले प्रदेशतर्फ ५७६ र स्थानीय तहतर्फ ११५२ मतभार प्राप्त गरेकी छन्।
गठबन्धनबाटै उमेदवार बनेका नेकपा माओवादी केन्द्रका जगत पार्की पनि विजयी भएका छन। उनी प्रदेशसभातर्फ १८७२ मतभार र स्थानीय तहतर्फ १८९० मतभार पाएर निर्वाचित भएका हुन्। उनका निकटतम प्रतिद्वन्द्वी एमाले उम्मेदवार नरेश विकले प्रदेशतर्फ ५७६ र स्थानीय तहतर्फ १२०६ मतभार प्राप्त गरेका छन्।
राष्ट्रिय सभाका लागि सुदूरपश्चिममा सत्तापक्षीय दलहरुको गठबन्धन भएको थियो। सत्ता गठबन्धनका विरुद्ध नेकपा एमाले एक्लैले उम्मेदवारी दिएको थियो।
प्रतिक्रिया दिनुहोस !
