मुम्बई : अभिनेत्री आलिया भट्टको मुख्य भूमिका रहेको चलचित्र ‘गंगुबाई काठियावाडी’को रिलिज मिति घोषणा गरिएको छ। सञ्जयलीला भन्सालीद्वारा निर्देशित क्राइम ड्रामा चलचित्र ‘गंगुबाई काठियावाडी’को रिलिज मितिको घोषणासँगै नयाँ पोस्टर र भिडियो पनि सार्वजनिक भएको छ।
भन्साली प्रोडक्सनका अनुसार चलचित्रको ट्रेलर शुक्रबार सार्वजनिक हुनेछ। यसैगरी चलचित्र भने फेब्रुअरी २५ मा रिलिज हुनेछ। यस चलचित्रको रिलिज मिति यसअघि पनि घोषणा गरिएको थियो। यसअघि घोषित मितिमा चलचित्र रिलिज हुन नसकेपछि निर्माण टिमले नयाँ मिति घोषणा गरेको हो। यसअघि ‘आरआरआर’सँग जुध्ने भएपछि ‘गंगुबाई काठियावाडी’ पछि हटेको थियो। ‘आरआरआर’मा पनि आलिया भट्टको अभिनय रहेको छ।
‘गंगुबाई काठियावाडी’मा आलिया भट्टले महिला ग्याङ स्टारको भूमिका निर्वाह गरेकी छन्। यौनकर्मी महिलाको भूमिकामा देखिने गंगुबाई पछि अन्डरवल्र्ड डन बन्ने छिन्। आलिया पहिलो पटक अन्डरवल्र्ड डनका रुपमा चलचित्रमा देखिन लागेकी हुन्। यसैगरी अजय देवगनले भने यस चलचित्रमा गुण्डाको भूमिका निर्वाह गरेका छन्। यो चलचित्र गंगुबाई काठियावाडीको कथा ‘द माफिया क्विन अफ मुम्बई’मा आधारित छ।
प्रतिक्रिया दिनुहोस !
